Psa 112 | CopSahBible2 | STEP | ⲁⲗⲗⲏⲗⲟⲩⲓⲁ ⲧⲉⲭⲟⲣⲉⲓⲁ ⲛϩⲙϩⲁⲗ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩⲡⲣⲁⲛ ⲙⲡϫⲟⲉⲓⲥ

Psalms 112

1 ⲁⲗⲗⲏⲗⲟⲩⲓⲁ ⲧⲉⲭⲟⲣⲉⲓⲁ ⲛϩⲙϩⲁⲗ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩⲡⲣⲁⲛ ⲙⲡϫⲟⲉⲓⲥ 2 ⲉⲣⲉⲡⲣⲁⲛ ⲙⲡϫⲟⲉⲓⲥ ϣⲱⲡⲉ ⲉϥⲥⲙⲁⲙⲁⲁⲧ ϫⲓⲛ ⲧⲉⲛⲟⲩ ϣⲁ ⲉⲛⲉϩ 3 ⲁⲩⲱ ϫⲓⲛ ⲉⲛⲉϩ ϣⲁ ⲉⲛⲉϩ ϫⲓⲛ ⲡⲉⲉⲓⲃⲧ ϣⲁ ⲡⲉⲙⲛⲧⲥⲙⲟⲩ ⲉⲡⲣⲁⲛ ⲙⲡϫⲟⲉⲓⲥ 4 ⲡϫⲟⲉⲓⲥ ϫⲟⲥⲉ ⲉϫⲛ ⲛϩⲉⲑⲛⲟⲥ ⲧⲏⲣⲟⲩ ⲉⲣⲉⲡⲉϥⲉⲟⲟⲩ ϩⲛ ⲙⲡⲏⲩⲉ 5 ⲛⲓⲙ ⲡⲉⲧⲟ ⲛⲑⲉ ⲙⲡϫⲟⲉⲓⲥ ⲡⲉⲛⲛⲟⲩⲧⲉ 6 ⲡⲉⲧⲟⲩⲏϩ ϩⲛ ⲛⲉⲧϫⲟⲥⲉ ⲉⲧϭⲱϣⲧ ⲉϫⲛ ⲛⲉⲧⲑⲃⲃⲓⲏⲩ ϩⲛ ⲧⲡⲉ ⲁⲩⲱ ϩⲓϫⲙ ⲡⲕⲁϩ 7 ⲡⲉⲧⲧⲟⲩⲛⲟⲥ ⲙⲡϩⲏⲕⲉ ϩⲓϫⲙ ⲡⲕⲁϩ ⲉⲧϫⲓⲥⲉ ⲟⲩⲉⲃⲓⲏⲛ ⲉⲃⲟⲗ ϩⲛ ⲧⲕⲟⲡⲣⲓⲁ 8 ⲉⲑⲙⲥⲟϥ ⲙⲛ ⲛⲁⲣⲭⲱⲛ ⲙⲡⲉϥⲗⲁⲟⲥ 9 ⲡⲉⲧⲧⲣⲉⲟⲩⲁϭⲣⲏⲛ ⲟⲩⲱϩ ϩⲙ ⲡⲉⲥⲏⲓ ⲉⲥⲟ ⲙⲙⲁⲁⲩ ⲛϣⲏⲣⲉ ⲉⲥⲉⲩⲫⲣⲁⲛⲉ